Mäh chönnt meinä äs isch eifach ä blogpost ds machä, doch äs sött ja denn oh so sii wimä nä gärn het. Und wemä ä bestimmti vorstellig und oh nur ä minimalä perfektionsinn het denn wirds immer wie schwiriger.
Was isch nöii?
Dr früsch wind isch ä idee das mer uf unserkleinerkosmos.blog vo underschidlechä autorä ä plattform schaffä ihri persönlechi asicht vom chliinä kosmos chöi zeigä, und ihri verschidenschtä persönlechä und aktuellä themänä chöi i ihrem schtiu presentiärä.
Was isch mir wichtig?
Mini themänä si permakultur, chochä, vegetarismus, veganismus, früschi, pflanzä, wahrnähmig, chrüter, bluämä, visonäri gedankä, autosugestion, wiudbiändli, läbensrüüm für vögel, sügetier, insektä, amphibiä und reptiliä, vielfalt, fülle und no viiu meh wo au diä themänä mitenand verbindä.
Weli form hani für das gwäut
Und das i derä sprach wie ig gross wordä bi und zwar bärndütsch. In kombination mit chlibuächstabä. Gspickt mit viunä schönä biuder, i dä meischtä fäu vo mim händy gmacht. Ohni fiuter und nachbearbeitig, genau so ehrlech wie äs chliises chind.
Das ermöglecht mir so mit dir ds kommuniziärä wie ig würklech redä, und oh praktischerwiis viu ringer und eifacher chönnä dih ah mim läbä lah ds teil ha.
I wünschä dir viu spass, kreativi gedankägäng und fröiä mih über nes feedback, wünsch und fragä.
Unser kleiner Kosmos 