Äs isch aues scho da…

Immer wieder verwütschi mih säuber mitm gedankä was ig mir aues no wünschä.

Oder wies chönnt besser sii und schöner usgseh etc. Vorauem im gartä oder am arangement vo de pflanzä.

Uf was dasi usä möcht: mir hei zwöi ippc tanks kouft für ä rägäwassersammlig das üsä grüän umschwung oh grüän blibt, iz vorauem wos iz de bo wermer und tröchner wird.

2000 liter wasser isch ds viu. Wemes möcht trinkä i eim tag, ganz sicher. Doch wemä 2 oder 3 wuchä ä grossä gartä darf wässärä wüus nid rägnet, wirds plötzlech wenig.

Ds thema vo hüt isch: im vergliich mit was.

Generell grifä mir uf erfahrigä oder übernommni kreationä vo üs säuber oder andernä mönschä zrügg. Und wenn mir öppis nid gfaut denn chas bi mir ds gfüu vo gliichfütigkeit, dankbarkeit oder dr wunsch nach veränderig uslöösä. Sicher no meh doch mir blibä mau bi denä..

Und so het dr trochnig summer vo letscht jahr ds bedürnis nach wasser gweckt. Und ds 2 blaui fässer nid glängt hei, nid annähernd! So het öppis grössers härä dörfä.

Wie erwähnt 2 ippc tanks, diä si iz oh wieder äs wiili umägschtangä bis vorgeschter mir üs ziit gnoh hei einä mau ds inschtaliärä.

Und genau so chunnts: äs isch aues scho da!

Mir hei zersch grächnet und verstä und probiert, gsaget, gfiälet, fausch überleit, sech verloorä, unverschtändniss lah uf cho, und deeeeenn. Heimer gmerkt das aues scho da isch.

Und so heimer izä meh chupferrohr usäbecho aus mer für diä instalation nr 1 bruuchä. Immomönt no ohni überlouf doch oh da chunnt üs sicher ä kuuli idee. Faues denn überhoupt einä brucht.. wir werden sehen..